Analisti Sidi Hasanaj dhe njëkohësisht anëtar i Këshillit Kombëtar të PD-së, ka deklaruar mbrëmë se deputeti Lefter Gështenja ka marrë tender nga qeveria shqiptare për rehabilitimin e lumit Osum, tender i dhënë nga agjencia e Prokurimeve Publike me 13 tetor të këtij viti me vlerën prej 380 milion lekë.
‘Një deputet i PD-së në grupimin e Bardhit, pra kompania e tij ka marrë më 13 tetor një tender për rehabilitimin e shtratit të lumit në Osum. 380 mln lekë tender nga agjencia e prokurimeve publike, ne e kemi me dokumente. Dokumentet janë me data dhe të printuar nga agjencia e Prokurimeve Publike, kompania është shitur nga bashkëshorti te bashkëshortja për 10 mijë lekë të reja dhe më pas nga bashkëshortja te një person tjetër po për 10 mijë lekë. Kompania është krijuar nga deputeti Lefter Gështenja.’– tha Hasanaj.
Edhe më parë Gështenja është përfolur se nuk ka dashur të mbështesë banorët e Berxullës që do iu prisheshin shtëpitë dhe tokat për të dërtuar devijimin e rrugës Thumanë-Kashar, projekt që ia ka dhënë kompanisë “GENDER-2” e shtetasit Bashkim Ulaj.
Sipas informacioneve mësohet se ai prej 8 vitesh deri në shtator 2021, ai ka qenë i punësuar Menaxher Projektesh te firma “GENER-2” e oligarkut Bashkim Ulaj, me pagë mujore 1.1 milionë lekë të cilën e merr edhe tani që është deputet.
