Tre ndeshje, tre humbje, tre trainerë sepse te Luftëtari po ndodh gjithcka në këtë sezon të ri të Kategorisë Superiore.
Gjirokastritët që e përgatitën startin nën drejtimin e Klevis Dalipit, dhe u drejtuan nga Klodian Duro në 270 minuta, kanë një emër të ri në stol.
Jorgos Marantas ka rënë dakort me klubin jugor për ta drejtuar këtë sezon me objektiv mbijetesën.
46 vjecari i lindur në Mangana e ushtron profesionin nga viti 2008, në kategoritë inferior të futbollit helen.
Gjatë kësaj periudhe ai numëron 63 ndeshje në krye të 12’të skuadrave.
Kohën më të gjatë e kaloi në drejtimin e Aris Avatu, që është edhe skuadra e fundit përpara Luftëtarit.
Ai preferon të luajë me skemën 4-2-3-1 dhe rekordin e ka në krye të Panahaiqi, 6 pikë në 2 ndeshje.
Në Gjirokastër ai trashëgon një ekip në kaos pas problemeve me gjykatën sportive të UEFA’s dhe borxhet financiare të presidencës së shkuar.
Debutimi i tij në futbollin shqiptar do të bëhet në 14 Shtator në shtëpi, ndaj Flamurtarit.
Luftëtari ndodhet në fundin e klasifikimit, pa asnjë pikë, me 1 gol të shënuar dhe 7 të pësuar në sfidat ndaj Tiranës, Partizanit dhe Teutës.
