Sot është dita e 26-të e luftës në Ukranë, ndërkohë që po zhvillohen bisedimet me delagacionin rus.
kraina dhe Rusia u angazhuan në një raund tjetër të bisedimeve të paqes sot, ndërsa lufta midis dy kombeve hyri në ditën e saj të 26-të.
Negociatorët e paqes zhvilluan një video-telefonatë 90-minutëshe, me grupet e punës që pritet të vazhdojnë të takohen gjatë gjithë ditës.
“Sot po punojmë gjithë ditën“.- tha David Arakhamia.
Të dy vendet kanë hyrë në disa raunde bisedimesh deri më tani, duke filluar në Bjellorusi dhe së fundmi duke u zhvilluar me video-konferencë. Megjithatë, ata ende nuk kanë arritur një marrëveshje për një armëpushim ose një tërheqje.
Presidenti ukrainas Volodymyr Zelenskyy tha më parë se ai ishte i bindur se Ukraina nuk do të pranonte asnjë kusht paqeje që komprometonte integritetin e saj territorial. Sinjale kontradiktore vijnë nga fronti diplomatik, sa i përket mundësisë se arritjes së një marreveshje për fundin e luftës në Ukrainë.
Ankaraja, e cila është vënë në rolin e ndërmjetësuesit, tha të dielën se palët po dakordësohen mbi çështjet kritike dhe se një armëpushim mund të arrihej së shpejti nëse nuk do të ketë sprapsje në progresin e shënuar deri më tani.
Por në një deklaratë mëngjesin e së hënës, Moska tha se nuk ishte shënuar përparim i rëndësishëm në bisedime. Zëdhënësi i Kremlinit, Dmitri Peskov akuzoi Kievin se kishte sjellë ngecje të negociatave për shkak të propozimeve të papranueshme për Rusinë.
Pyetjes së gazetarëve rusë mbi një takim të mundshëm mes Putin dhe Zelensky, Peskov ju përgjigj se Kievi duhet të bënte detyrat e shtëpisë para se të kishte një përballje të mundshme mes udhëheqësve.
“Që të flasim për një takim mes dy presidentëve, fillimisht duhen bërë detyrat e shtëpisë. Duhet të mbahen bisedime dhe të ketë rezultate. Deri më tani nuk është shënuar progres i rëndësishëm. Kështu është herët të flasim për një takim mes dy presidentëve”, tha Peskov.
