Presidenti I Ukrainës ka bërë të ditur me anë të një postimi në “Twitter se ka pasur një bisedë telefonike me kryeministris e vendit tonë Edi Rama.
Ai bën me dije se tematika e bisedës ishte mbi pushtuesit rusë dhe gjithashtu u diskutua për punën e përbashkët në kuadër të OKB. Zelenskyy vlerësoi ndihmën praktike dhe mbështetjen e Shqipërisë për Ukrainën, në këto kohë të vështira që po kalon.
MESAZHI NË TWITTER:
“Pata një bisedë telefonike me Kryeministrin @ediramaal. Foli për luftën kundër pushtuesve rusë. U diskutua për punën e përbashkët në kuadër të OKB. Ne vlerësojmë ndihmën praktike dhe mbështetjen e Shqipërisë në këtë kohë të vështirë. Ne po bëjmë gjithçka për t’i dhënë fund luftës. #StopRusia”
Ndërkohë që Ministria ruse e Mbrojtjes ka njoftuar një armëpushim të përkohshëm dhe hapjen e korridoreve humanitare për dy qytetet.
Konkretisht bëhet fjalë për qytetet Mariupol dhe Volnovakha. Mësohet se civilëve do iu lejohet dalja nga ora 10:00 me orën e Moskës (07:00 GMT) ditën e sotme.
Gjithashtu Rusia thotë se ka rënë dakord për rrugët jashtë qyteteve me palën ukrainase, por BBC ende nuk ka asnjë konfirmim nga pala ukrainase.
Kujtojmë që Mariupol është një qytet port i madh dhe ka qenë i rrethuar nga forcat ruse për disa ditë. Ndërkohë, luftime të ashpra ka pasur edhe në Volnovakha.
Më herët, kryebashkiaku i Mariupolit bëri thirrje që civilët të lejohen të largohen mes asaj që ai e quajti një “bllokadë” nga forcat ruse.
Presidenti I Ukrainës Zelenskyy me anë të një fjalimi drejtuar Perëndimit ka bërë thirrje për të ndihmuar Ukrainën duke ofruar ndihmë të menjëhershme ushtarake.
