Ukraina ndodhet në luftë prej 6 ditësh dhe po përjeton ditët e saj më të errëta.
Shumë shtete i kanë ardhur në ndihmë duke pranuar dhe strehuar emigrantët që vijnë nga Ukraina. Ndër shtetet që duan ti vijnë në ndihmë Ukrainës është edhe Italia, e cila ka shpallur gjendjen e jashtëzakonshme humanitare.
Mësohet se gjendja e jashtëzakonshme do të zgjasë deri më 31 dhjetor të këtij viti. Kryeministri italian, Mario Draghi tha sot në Senat se ky është angazhim solidariteti dhe se nuk do të ketë pasoja për italianët.
“Italia është e gatshme të bëjë më shumë, si përmes organizatave kryesore humanitare aktive në zonë, ashtu edhe me donacione materiale. Në Këshillin e Ministrave të djeshëm ne ndamë 10 milionë euro, nga Fondi Kombëtar i Emergjencave, për të siguruar ndihmë dhe ndihmë për popullsinë ukrainase. Për ta bërë këtë, u shpall gjendja e jashtëzakonshme humanitare, e cila do të zgjasë deri më 31 dhjetor dhe që ka për qëllim të vetëm sigurimin e ndihmës maksimale nga Italia në Ukrainë. Është një angazhim solidariteti, që nuk do të ketë pasoja për italianët dhe që nuk ndryshon vendimin për përfundimin e gjendjes së jashtëzakonshme për Covid-19 më 31 mars”, deklaroi kryeministri italian.
Ndërkohë kryeministri i Mbretërisë së Bashkuar Boris Johnson është shprehur se presidenti i Rusisë, Vladimir Putin po përdor taktika barbare në luftë në Ukrainë.
Johnson u shpreh gjatë një konference shtypi në Varshavë me kryeministrin polak Mateusz Moraëiecki, se “tragjedia” që Britania e Madhe dhe të tjerët parashikuan tani ka ndodhur me pushtimin e Ukrainës nga Putin.
