Lufta në Gaza vazhdon të jetë po aq e ashpër sa në fillimet e saj, shumë fëmijë dhe të rritur po humbin jetën, jo vteëm nga bombardimet por edhe nga uria.
Së fundmi, një zyrtar i lartë i ndihmës së OKB-së ka paralajmëruar se gjysma e popullsisë së Gazës po vdes nga uria.
Ishte Carl Skau, zëvendësdrejtor i Programit Botëror të Ushqimit të OKB-së ai që deklaroi se vetëm një pjesë e furnizimeve të nevojshme kanë mundur të hyjnë në Rrip. Sipas tij nëntë nga 10 persona nuk mund të ushqehen çdo ditë.
Kushtet në Gaza i kanë bërë dërgesat “pothuajse të pamundura”, tha Skau.
Izraeli thotë se duhet të vazhdojë sulmet ajrore në Gaza për të eliminuar Hamasin dhe për të sjellë pengjet izraelitë në shtëpi. Zëdhënësi i Forcave të Mbrojtjes të Izraelit, nënkoloneli Richard Hecht i tha BBC të shtunën se “çdo vdekje dhe dhimbje për një civil është e dhimbshme, por ne nuk kemi alternativë. Ne po bëjmë gjithçka që mundemi për të marrë sa më shumë që të jetë e mundur brenda Rripit të Gazës,”, -tha ai.
