Lufta/ Deputeti rus bën deklaratën e fortë: Kishim 1 vit që po e planifikonim

Ditwn e sotme një deputet rus ka deklaruar se Moska ka nisur planifikimin e Ukrainës rreth 1 vit më parë. Kjo deklaratë është dhënë nga Rifat Shaykhutdinov, për televizionin “Channel One”

“Me nuk e përgatitëm këtë operacion spotanisht. Kishim më shumë se një vit përgatitje. Ne e kuptuam se çfarë po ndodhte sepse i kishim paralajmëruar paraprakisht.

Ai theksoi se Rusia do të ishte sulmuar nëse nuk do të pushtohej.

“Sapo mbërritën të dhënat e inteligjencës… se do t’i mundim dy ditë duke sulmuar, sigurisht që mbi të gjitha po mbrojmë qytetarët tanë atje”.

Vlen të përmendet se Rusia ka ashpërsuar reagimin e saj këto ditë dhe kërkon me çdo kusht të marrë sa më shumë qytete ukrainase.

Nga ana tjetër, rezistenca ukrainase është e fortë dhe deri më tani, ata pretendojnë se i kanë shkaktuar shumë humbje armikut.

Gjithashtu kujtojmë se forcat ruse kanë hyrë edhe në Harkiv ditë më parë, qytetin e dytë më të madh të Ukrainës, derisa banorët e kryeqytetit të këtij shteti, Kiev, kanë raportuar për shpërthime masive në orët e para të 27 shkurtit.

Ndërkohë, fuqitë e Perëndimit kanë bërë të ditur hapa dramatikë në përpjekje për të ndëshkuar Moskën me sanksione për agresionin e saj.

Udhëheqësi i Harkivit, Oleg Sinegubov, ka thënë se forcat ukrainase janë duke luftuar me trupat ruse në qytet, dhe u ka bërë thirrje civilëve të mos largohen nga shtëpitë e tyre.

Në disa pamje të publikuara nga zyrtarët ukrainas, makinat ruse janë parë nëpër Harkiv.