Një 31-vjeçar është arrestuar nga Policia e Beratit pasi akuzohet se ka ngacmuar seksualisht një të mitur 15 vjeç.
Njoftimi i policisë për ngjarje:
Nga specialistët e Seksionit për Krimet në Komisariatin e Policisë Berat, u bë arrestimi i shtetasit P.P., 31 vjeç, banues në Kuçovë, pasi dyshohet se ka ngacmuar seksualisht një shtetas 15-vjeçar.
Materialet i kaluan Prokurorisë së Rrethit Gjyqësor Berat, për veprën penale ”Ngacmim seksual”.
Ndërkohë detaje të reja janë zbuluar teksa mësohet se 31-vjeçari e kishte njohur të miturin në në një lojë që luanin së bashku në internet që quhej “Free fire”.
Më pas 31-vjeçari e ka ftuar 15-vjeçarin për n jë kafe në qytetin e Kuçovës dhe gjatë kësaj kohe e ka prekur në organet gjenitale. I mituri ka bërtitur është larguar me vrap nga kafeneja.
Ngjarja mësohet të ketë ndodhur dy javë më parë, por i mituri nuk kishte treguar asgjë në familje nga frika. Pas shqetësimit të prindërve dhe pyetjeve të vazhdueshme ai u ka treguar çfarë kishte ndodhur. Më pas prindërit u drejtuan për në polici, ku 15-vjeçari e ka denoncuar ngjarjen në prani të një psikologu. Pas denoncimit policia arrestoi shtetasin Petrit Pire në banesën e tij në fshatin Tapi. Akuza që rëndon mbi të është “Ngacmim seksual” me të mitur.
