Koronavirusi preku edhe Lotarinë Amerikane, pasi më 29 prill Departamenti Amerikan i Shtetit ka shtyrë me një muaj përgjigjet e rezultateve të Lotarisë Amerikane për vitin 2021.
Rezultatet ishin planifikuar që të dilnin në datën 5 maj, por për shkak të situatës së krijuar nga pandemia, do të dalin në datën 6 qershor.
Një vendim i tillë ka ardhur si pasojë e situatës së Covid-19, pas vendimit që mori presidenti i SHBA-së, Donald Trump për pezullimin me 60 ditë të emigracionit me argumentin se amerikanët që humbën punën të mos zëvendësohen me të huaj.
Së fundmi, Ambasada e SHBA-së në Tiranë ka bërë një tjetër njoftim për të gjithë shqiptarët që kanë aplikuar për Lotarinë Amerikane.
Ambasada kërkon që të bëhet shumë kujdes nga mashtrimet, ndërsa shkruan se shtyrja e përgjigjeve të aplikimeve nga data 1 maj në 6 qershor nuk do të ketë impakt negativ.
Njoftimi i plotë
“Departamenti Amerikan i Shtetit është duke e vonuar hapjen e kontrollit të statusit të regjistruesit për DV-2021, deri në datën 6 qershor 2020. Ky ndryshim është për shkak të përgjigjes tonë në lidhje me pandeminë COVID-19, e cila nuk do të ketë ndonjë impakt negativ në administrimin e DV-2021. Për të parë nëse janë përzgjedhur, të regjistruarit e DV-2021 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve” shkruan Ambasada.
