Lojërat Olimpike janë sërish në rrezik, ndërsa rastet e para me Covid-19 janë konfirmuar në Fshatin Olimpik ku të gjithë sportistët janë mbledhur. Një mundësi esktreme është edhe anulimi i Olimpiadës për të dytin vit radhazi dhe diçka të tillë nuk e përjashtoi as Shefi i komitetit organizues Tokyo 2020.
Një seknar i tillë mund të fillojë të zbatohet nëse rastet me koronavirus rriten ndjeshëm. Situata ka të ngjarë të ndodhë, ndërsa disa atletë kanë rezultuar pozitivë dhe sponsorët hoqën dorë nga planet për të marrë në ceremoninë e hapjes që ishte planifikuar të mbahej të premten.
I pyetur në një konferencë shtypi nëse ngjarja sportive mund të anulohej, Toshiro Muto tha se ai do të mbikëqyrë numrat e infeksioneve dhe do të lidhet me organizatorët e tjerë nëse është e nevojshme.
“Ne do të vazhdojmë diskutimet nëse ka një rritje të rasteve. Ne kemi rënë dakord që bazuar në situatën e koronavirusit, ne do të mblidhemi përsëri bisedime me pesë palët (përfaqësuesit e kontinenteve pjesëmarrëse). Në këtë pikë, rastet e koronavirusit mund të rriten ose të bien, kështu që ne do të mendojmë se çfarë duhet të bëjmë kur të krijohet situata”, tha Muto.
Një zëdhënës i Tokyo 2020 më vonë tha se organizatorët ishin përqendruar 100% në organizimin e Lojërave të suksesshme. Në Tokio rastet me Covid kanë ardhur në rritje, gjë që çoi në vendimin që Lojërat të mbahen pa spektatorë për të mos rrezikuar shëndetin e pjesëmarrësve.
