Sot është afati i fundit për dërgimin në gjyq të dosjes ndaj kreut të PD, Lulzim Bashës.
Ky i fundit akuzohet për falsifikim formulari në lidhje me raportet financiare të PD, gjatë zgjedhjeve të 2017-ës.
Të pandehur së bashku me Bashën janë edhe financier i PD, Ilir Dervishi dhe ish-Sekretari i Përgjithshëm, Arben Ristani.
Pak javë më parë pati një përplasje në Prokurorinë e Tiranës, pasi prokurorët Ervin Karanxha dhe Gjergji Tako, vendosën mbylljen e hetimeve, duke mos u konsultuar me kolegun e tyre, Kolë Hysenaj.
Ky i fundit kishte kërkuar zgjatjen e e hetimeve.
Drejtuesja e Prokurorisë së Tiranës, Elisabeta Imeraj, deklaroi se do të kërkonte llogari nga Karanxha dhe Tako dhe nëse vërtetohej se ishin shkelur procedurat ligjore, vendimi do të ishte nul.
Kreu i PD, Lulzim Basha, pritet të shkojë si i pandehur në Gjykatën e Tiranës, në lidhje me 675 mijë dollarët e paguara në SHBA për lobim, nga kompania me pronare ruse, “Biniatta Trade”.
