Pasi lajmëroi lehtësimin e lëvizjeve në disa qytetet që kanë rrezik të ulët, Edi Rama ka publikuar në Facebook rregullin e ri për lëvizjen në “zonat e gjelbra”, ku përfshihen:
Në zonat e gjelbërta automjetet private do të lëvizin pa autorizim nga ora 09:30 deri në orën 17:30, por me rregullin e vetëm 2 personave në makinë, nga i cili përjashtohen kategorikisht pensionistët.
Sakaq, pensionistët mund të lëvizin në këmbë lirisht deri në orën 08:30 të mëngjesit, orari i lejuar vetëm për të, kurse të tjerët mund të lëvizin nga ora 09:30-17:30.
LEXO : Rama zbulon rregullat e reja në qytetet ku do të lehtësohet lëvizja nga dita e hënë
Pas kësaj, Rama ka zhvilluar një mbledhje online me të gjithë kryebashkiakët e zonave të gjelbra që do të kenë lirim të masave duke nisur nga e hëna dhe u ka kërkuar që të inspektojnë personalisht të gjithë zonën dhe të kenë kujdes për të mos u kthyer në një vatër infektimi.
“Nuk do të thotë që jeni në zona të paprekshme dhe nuk do të thotë që nuk ktheni në zonë të kuqe nëse rregullar nuk zbatohen. Është e rëndësishme të merrni masat dhe personalisht të ndiqni nga afër të gjithë zhvillimin e kësaj hapjeje pas një periudhe jot ë vogël të mbyllur. Para se t’i jap fjalën ministres dua t’ju them që së pari do të ketë një fashë të veçantë për pensionistët. Pastaj do ketë një orë pushimi. Pastaj cilido që dëshiron mund të dalë dhe mund të lëvizë me makinë pa autorizim. Mund të lëvizin vetëm brenda për brenda. Nuk mund të hyjnë nga jashtë brenda dhe as nga jashtë nuk mund të hyjnë brenda. Do angazhohet edhe Policia, se do të penalizohen. Këto kisha porosi. Ju lutem monitoroni situatën personalisht,”-tha Rama.
I pranishëm në komunikim ishte edhe ministri i Brendshëm Sandër Lleshaj, që ka deklaruar se policia do të jetë e fokusuar në zonat e kuqe që të mos depërtojnë në zonat e paprekura.
”Do thoja që fokusi i policisë do të jetë perimetri që mos infiltrojë askush nga zonat e kuqe. Do u kërkoja kryebashkiakëve përdorimin e mediave lokale për të përcjellë mesazhet që të marrin këto mesazhe. E kanë aksesin e duhur për një informim sa më të detajuar.”- tha Lleshaj.
