Vizita e rrufeshme e bërë sot nga Ministri Lleshaj dhe Drejtori i Përgjithshëm i Policisë, Ardi Veliu në Prefekturën e Shkodrës tashmë ka përfunduar.
Jashtë prefekturës, vet Prefekti, Valdrin Pjetri ka folur ëpr mediat duke sqaruar edhe çfarë është folur për atë 1 orë e 30 minuta që ka zgjatur takimi.
Pjetri ka thënë se është biseduar gjatë dhe në qendër të vëmendjes ka qenë siguria e jetës së qytetarëve si dhe nisja e punës për garantimin e sezonit turistik që është duke nisur.
Sipas prefektit, në takim kanë qenë edhe përfaqësues të tjerë përveç Lleshajt dhe Veliut, të cilët vinin nga Doganat dhe Tatimet.
“Takimi i sotëm është fokusuar mbi agjendën dhe punë që qeveria shqiptare do të zhvillojë në qarkun e Shkodrës. Bëhet fjalë për një vëmendje të shtuar në qarkun tonë dhe detajet e tjera besoj i shpalli shumë qartë ministri në zyrën e prefekti.
Ishte ministri, ishte drejtori i Policisë së Shtetit, ishte drejtori i qarkut dhe një sërë aktorësh si Dogana dhe Tatimet, që behët fjalë për një mbarëvajtje të punës sonë në vijon, këtu përfshihet edhe sezoni turistik që është duke trokitur dhe zyra jonë ka filluar të marrë masat që të kemi një sezon sa më të saktë, të mirë organizuar në mënyrë që t’u lehtësohet jeta shkodranëve, banorëve të qarkut tonë si dhe të ardhurve që do të jenë turistë”, tha ai.
