Avokati Arben Llangozi ka ngritur dyshime lidhur me hetimin e përgjimeve të Sky Ecc nga Prokurorinë e Posaçme (SPAK), duke theksuar se vetëm 4 prokurorë kanë akses në këto dosje voluminoze, ndërsa hetuesit e tjerë të SPAK nuk kanë të njëjtin privilegj.
Në një intervistë përmes Skype në “Kafe Shqeto”, Llangozi shprehu shqetësimin për vonesën e hetimeve dhe sugjeroi që ato të përfshihen në një nivel më të gjerë, duke u shtrirë edhe në prokuroritë me juridiksion të përgjithshëm.
Avokati vlerësoi se 5 vitet që kanë kaluar pa përfunduar hetimet për përgjimet, të cilat përfshijnë figura të larta të krimit të organizuar dhe politikanë, përfshirë kryeministrin Edi Rama, janë shumë dhe të papranueshme.
Ai shtoi se këto përgjime mund të jenë tashmë në duar të bandave kriminale, duke bërë të mundur publikimin e tyre, dhe se kjo mund të krijojë një rivalitet të ashpër mes SPAK dhe krimit të organizuar në vitin 2025.
Organet e drejtësisë po e fshehin ‘thesarin’, përderisa një shtetas merr statusin e prokurorit dhe me këtë vetting-un e famshëm, mendoj se jemi para një prokurori të besueshëm dhe këto përgjimet që kanë ardhur nga jashtë, të mos u jepen prokurorëve të ndryshëm.
Ajo që kam marrë vesh në SPAK, është se janë një numër i caktuar prokurorësh që kanë akses në këto përgjime, për të pasur akses në këtë lloj informacionesh, janë vetëm 4-5 prokurorë. Kam dyshime nëse do të ketë transparencë, se do të bëhen hetime të rëndësishme. Çfarë fshehin këto 5 prokurorë në këto përgjime, do iu dalë jashtë kontrollit situata dhe do ta bëjë drejtësinë tonë jo të aftë, ku del edhe kryeministri jonë.
A munden 5 prokurorë të kontrollojnë këto përgjime? Sigurisht që jo. Do kemi selektim në këto përgjime, por edhe një mungesë transparence. Të gjitha prokuroritë e rretheve duhet të kenë akses në këto përgjime dhe të kryejnë hetime të pavarura. S’ka vetëm vepra penale, subjekt i SPAK, por edhe Prokuroritë e Rretheve mund t’i hetojnë. Atëherëe pse këto 5 prokurorë të SPAK bëhen pengesë për prokuroritë e rretheve në hetimet e tjera. Të hetohet ky aplikacion nga prokuroritë e tjera.
Po bëhen 5 vite që merren me këto përgjime, edhe sa do të shtyjnë më tej. Kam informacione se këto përgjime kanë dalë nga dera e SPAK, ose janë shitur, ose u janë bërë favor personave të tjerë. 2025 do të jetë një luftë e madhe mes SPAK dhe krimit të organizuar, ato përgjime që krimi i organizuar ka në dorë, do t’i publikojnë. Aty ka dalë Taulant Balla. Po na dalin bandat kriminale më të ndershme se prokuroria. Të hetohen edhe aktorët politikë, të cilët kanë qenë mbështetës të grupeve kriminale. Dosja Çyrbja, çfarë fsheh kjo dosje, a është përfshirë kryeministri? Sigurisht që po. Ka arritur një luftë e ashpër, luftë inteligjente mes grupeve rivale, krim i organizuar-SPAK. S’mund të dalë i pastër Taulant Balla e persona të tjerë që janë të implikuar në trafikun e drogës.
