Ditën e sotme, në Mitropolinë e Athinës, po zhvillohet Liturgjia Hyjnore përpara trupit të Kryepeshkopit Anastas Janullatos, i cili ndërroi jetë paraditen e djeshme.
Liturgjia kryesohet nga nënkryetari i Sinodit të Shenjtë, Mitropoliti i Nafpaktos dhe i Shën Vlasit, Jerotheosi.
Pas përfundimit të Liturgjisë, Kryepeshkopi i Athinës dhe i gjithë Greqisë, Jeronimos, do të udhëheqë një shërbesë për shpirtin e të ndjerit.
Në këtë ceremoni do të marrin pjesë edhe kryeministri i Greqisë, Kyriakos Mitsotakis, dhe kryetari i PASOK-ut, Nikos Androulakis.
Trupi i Kryepeshkopit do të qëndrojë për nderime publike në Katedralen e Shenjtë të Athinës deri në mëngjesin e së hënës, kur do të sillet në Shqipëri.
Në mbledhjen e djeshme të Sinodit të Shenjtë të Kishës Ortodokse Autoqefale të Shqipërisë, Mitropoliti i Korçës, Imzot Joani, u emërua Mbikëqyrës i Fronit Kryepeshkopal. Po ashtu, u shpall zi kishtare pesëditore, duke nisur nga dita e sotme.
Trupi i Kryepeshkopit do të pritet të martën, më 28 janar, ora 16:00, përpara Katedrales “Ngjallja e Krishtit” në Tiranë.
Homazhet do të mbahen brenda Katedrales gjatë pasdites dhe gjatë gjithë ditës së mërkurë, më 29 janar 2025. Varrimi do të kryhet të enjten, më 30 janar, ora 11:00, pas Liturgjisë Hyjnore.
