Ervin Salianji dhe Endri Hasa janë përjashtuar nga Komisioni i vlerësimit të Kandidatëve pranë PD-së. Ata nuk rezultojnë në listën përfundimtare me 326 kandidatë e cila doli në përmbylljen e procesit për përzgjedhjen e emrave për zgjedhjet e ardhshme parlamentare dhe vendore. Lista do t’i dorëzohet kryetarit dhe Zv. Kryetarit të PD-së, ndërsa kryesia do të shtojë edhe emra të tjerë që përbëjnë 20 për qind të listës.
Në fillim ishin 3593 kandidatë të propozuar, në listën përfundimtare kanë dalë 326 kandidatë.
Përjashtimi i kandidatëve është bërë bazuar në disa kritere, se sa të aftë ishin për të maksimalizuar votën. Një tjetër kriter është edhe vota kundër gjatë fazës së parë të votimit, pasi kujtojmë se në disa qarqe ka patur vota kundër për disa kandidatë. Ish-deputeti Ervin Salianji është dënuar me 1 vit burg nga gjykata për akuzën e ‘kallëzimit të rremë’ lidhur me inskenimin e audio-përgjimit me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës.
Të gjithë emrat qe janë përjashtuar në këtë fazë nuk do të jenë pjesë e listës finale të kandidatëve për deputet të PD, që edhe mund të sjellë surpriza të tjera në vazhdim.
Mbi 10 ish-deputetë të dalë nga zgjedhjet e 2017, janë skualifikuar nga komisioni i ngritur pranë PD-së, ku ndër të tjerë janë Nada Meçorapja, Lindita Metaliaj, Romeo Gurakuqi, Xhemal Gjunkshi, Fatbardha Kadiu.
/GazetaReforma.com/
