Naser Gashi, trafikant droge, u kap në kufirin e Morinës, teksa tentonte të kalonte nga Shqipëria në Kosovë.
Gashi ishte dënuar me 7.4 vite burg për “Trafik të narkotikëve” dhe policia kishte 5 vite që e kërkonte.
Ai ra në prangat e policisë më 17 tetor 2018, por me një urdhër të dyshimtë Prokurorja e Kukësit, Rita Gjati, firmosi urdhrin e lirimit të menjëhershëm, vendim i cili u ekzekutua nga Policia në datë 18 tetor 2018.
Kjo ngjarje u mbajt e fshehtë, pasi Policia e Kukësit nuk dha asnjë njoftim për mediat si për ndalimin, ashtu edhe për lirimin e trafikanti.
Kështu, pas zbulimit të çështjes zv/drejtori i hetimit në Drejtorinë e Kukësit, Shkëlqim Pepkolaj, u pezullua nga detyra dhe u vendos në procedim disiplinor.
Më vonë, prokuroria lëshoi urdhër-arrest për drejtuesin e komisariatit të Kukësit Agim Basha.
Por, ky i fundit iu fsheh drejtësisë dhe kërkimi i tij u ndërpre, derisa iu pushua totalisht çështja.
Së fundmi, hetimi për Naser Gashi ka përfunduar në gjykatë me vetëm një të pandehur, Kujtim Spahia.
Spahia është një efektiv policie me detyrë specialist i Policimit në Komunitet dhe është marrë i pandehur nga prokuroria e Lezhës.
Në ndjekje penale kanë qenë edhe dy policët e tjerë, Shkëlzen Ibaj dhe Ferdinand Gjeta, por edhe ndaj tyre çështja pushoi.
Gjithashtu, prokurorja e Kukësit, Rita Gjati, e cila e cila firmosi lirimin e Naser Gashi është lënë e lirë.
Gashi është dënuar nga Nertina Kosova më 21 shkurt 2013 me 7 vite e 4 muaj burg për trafik droge, vendim i lënë në fuqi edhe nga apeli i krimeve.
