Vitet e fundit, mijëra turistë po e vizitojnë liqenin e Komanit në veri të Shqipërisë. Përpos turistëve, ajo që të bën të shqetësohesh për vijimin e turizmit është ndotja që po pëson liqeni.
Pamjet e liqenit të mbushura me dru, inerte dhe ambalazhe e shishe plastike, janë bërë për fat të keq trend muajt e fundit, dhe kjo si pasojë e banorëve dhe turistëve të shumtë.
Përveç imazhit negativ, mbeturinat kanë pasoja edhe në hidrocentralin e Komanit prandaj stafi i Koorporatës Elektroenergjetike Shqiptare ndërmori një aksion për pastrimin e liqenit.
Por pastrimi i liqenit dhe mirëmbajtja e tij nuk mund të bëhet vetëm me këto aksione, pasi kërkohet edhe angazhimi i 4 bashkive të Shkodrës, Vau Dejës, Tropojës dhe Pukës për mirëmbajtjen e tij, paisjen me mjetet e duhura për ta pastruar e sidomos ndërgjegjësimin e qytetarëve dhe turistëve.
/GazetaReforma.com/
