Një 29-vjeçare ka ndërruar jetë pasi ka sjellë në jetë foshnjën e saj rreth 5 kg në maternitetin ‘Koço Glozheni’. Siaps informacioneve e reja ka kryer lindje natyrale të shtunën dhe apsi ka qëndruar në spital për 24 orë është larguar për në shtëpi. Një ditë më vonë është shfaqur përsëri në spital në gjendje të rëndë ku edhe është reanimuar, por pavarësisht ndihmës se bluzave të bardha, ditën e sotme ka humbur jetën.Mësohet se nëna nuk kishte hemorragji, nuk ka pasur probleme në lindje.
Në lidhje me ngjarjen ka reaguar edhe materniteti “Koco Gliozheni” sipas të cilit nëna është paraqitur në maternitet me gjendje debulese dhe për pasojë ka ndërruar jetë. Në deklaratë thuhet se e reja ishte shtruar në spital më datë 28 janar dhe nuk ka referuar asnjë patologji shoqëruese, ndërsa bëhet e ditur se lindja natyrale ka shkuar mirë, duke sjellë në jetë një djalë të shëndetshëm.
Materniteti “Koco Gliozheni” i shpreh ngushëllimet familjarëve të së ndjerës me inicialet M.V., e cila ka ndërruar jetë disa ditë pas lindjes së foshnjës.
30-vjecarja është shtruar në spitalin tonë më datë 28 janar dhe nuk ka referuar asnjë patologji shoqëruese.
Lindja natyrale ka shkuar mirë, duke sjellë në jetë një djalë të shëndetshëm. Pas 48 orësh qëndrimi në spital, ku ka marrë shërbimin e nevojshëm, nëna ka dalë nga spitali me dëshirën e saj, në gjendje shëndetësore të stabilizuar.
Disa ditë pas lindjes nëna e re është paraqitur në spital me dobësi trupore dhe menjëherë, pacientja është shtruar në repartin e terapisë intensive, ku është trajtuar komfom të gjitha protokolleve mjekësore.
Pavarësisht përpjekjeve të stafit mjekësor, gjendja e pacientes është rënduar në mënyrë të shpejtë, duke ndërruar jetë. Priten rezultatet e Mjekësisë Ligjore për të mësuar shkakun e humbjes së jetës së pacientes.
