Krahas samitit që po zhvillohet në Tiranë, protestuesit e thirrur nga opozita shqiptare kanë zbarkuar në Bulevardin Dëshmorët e Kombit. Është bërë e ditur se mbledhja do të fillojë para se të rrethohet e gjithë zona për shkak të sigurisë së liderëve europianë. Nuk dihet ende se cilin skenar do të ndjekin protestuesit. • Vetë Berisha është shprehur se shqiptarët do tu tregojnë liderëve evropianë se po përballen me ‘the prime thief of Albania’ (grabitësin më të madh në Shqipëri), referuar kryeministrit Edi Rama. • Ai u ka bërë thirrje qytetarëve që të jenë prezent në protestë, pasi sipas tij e kanë me detyrim të ngrenë zërin kundër qeverisë. Sipas Berishës, synimi është sheshi përballë Kryeministrisë, por mbetet për tu parë se si do të zhvillohet duke qenë se Tirana është blinduar nga forca të shumta policore dhe gardhe për të mos lejuar askënd të futet brenda perimetrit të sigurisë. Disa protestues kanë marshuar nga sheshi Skënderbej drejt kryeministrisë, e disa të tjerë janë mbledhur në selinë e Partisë Demokratike, ku kanë mbërritur edhe 2 liderët e opozitës Berisha dhe Meta. Vihet re siç edhe ishte paralajmëruar se pankartat në anglisht do jenë një ndër format që do përdoren për të tërhequr vëmendjen e liderëve europianë.