Më 15 dhe 16 maj, Tirana do të presë samitin e Komunitetit Politik Europian, ku do të marrin pjesë liderët nga e gjithë Europa.
Për shkak të masave të sigurisë dhe bllokimit të rrugëve, Aeroporti i Rinasit ka lëshuar një njoftim të rëndësishëm për pasagjerët.
Ata janë këshilluar që të paraqiten në aeroport 3 orë përpara fluturimit për të shmangur vonesat dhe ngarkesën e mundshme në trafik.
“Njoftim i rëndësishëm për pasagjerët: Më 15 dhe 16 maj Tirana do të presë samitin e komunitetit Politik Europian me pjesëmarrjen e liderëve nga gjithë Europa. Për shkak të masave të sigurisë dhe bllokimeve të rrugëve priten vonesa dhe trafik i rënduar. Pasagjerët q ë udhëtojnë në këto data këshillohen të planifikojnë paraprakisht dhe të paraqiten 3 orë para fluturimit”, thuhet në njoftim.
