Një 32-vjeçar nga Vlora ka rënë në prangat e policisë pasi lëvzite me armë zjarri pistoletë. Arma iu gjet në momentin që i arrestuari me iniciale E.B. ishte pasagjer në mjetin e 28-vjeçarit E.Z. dhe policia i ka ndaluar për t’i kontrolluar mjetin. Po ashtu gjatë kontrollit të ushtruar në banesë, 32-vjeçarit i janë gjetur një armë gjahu pa leje dhe 20 fishekë ushtarak.
Njoftimi i policisë:
Lushnjë
Vijojnë kontrollet e befasishme për kapjen e personave në kërkim, atyre që qarkullojnë me armë zjarri apo që shpërndajnë lëndë narkotike.
Evidentohet dhe goditet një rast i armëmbajtjes pa leje.
Qarkullonte me armë zjarri në automjet dhe tentoi t’i shmangej kontrollit të punonjësve të Policisë duke i kundërshtuar, arrestohet 1 shtetas.
Sekuestrohet një armë zjarri pistoletë, një armë gjahu dhe 33 fishekë.
Shërbimet e Komisariatit të Policisë Lushnjë, në bashkëpunim me FNSH Fier, në zbatim te planit të masave për kapjen e personave të shpallur në kërkim, personave që qarkullojnë me armë zjarri dhe atyre që tentojnë të trafikojnë apo shpërndajnë lëndë narkotike, kanë ngritur pika kontrolli në vende të ndryshme të qytetit të Lushnjës.
Gjatë kontrolleve, shërbimet e Policisë, në lagjen ”Çlirimi”, në vendin e quajtur “Shinat e trenit”, kanë ndaluar një automjet tip “Volksëagen” që drejtohej nga shtetasi E. Z., 28 vjeç, banues në Vlorë.
Në momentin që ky automjet është ndaluar nga punonjësit e Policisë dhe po i nënshtrohej kontrollit, pasagjeri në mjet, shtetasi E. B. (M)., 32 vjeç, ka tentuar të largohet duke kundërshtuar punonjësit e Policisë dhe ka hedhur në tokë një armë zjarri pistoletë, por është neutralizuar dhe prangosur nga shërbimet e Policisë.
Gjithashtu, gjatë kontrollit të ushtruar në banesën e 32-vjeçarit, u gjet dhe sekuestrua edhe një armë gjahu pa leje si edhe 20 fishekë luftarak.
Në cilësinë e provës materiale është sekuestruar edhe automjeti tip “Volksëagen” dhe 3 aparate celularë.
Në përfundim të veprimeve hetimore u bë arrestimi në flagrancë i shtetasit E. B. (M)., 32 vjeç, banues në Vlorë, për veprat penale “Mbajtja pa leje e armëve dhe municionit luftarak”, “Mbajtja pa leje e armëve të gjahut” dhe “Kundërshtimi i punonjësit të policisë së rendit publik”.
Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme procedurale.
