Pas tërmetit shkatërrimtar të 26 nëntorit, shumë vende të botës u solidarizuan me Shqipërinë.
Midis tyre është edhe rasti i një vogëlusheje nga Italia, e cila ka prekur të gjithë me gjestin e saj.
Ajo quhet Emily dhe jeton në provincën e Bellunos.
Emily ka shkruar një letër, për të treguar se është prekur nga tragjedia në Shqipëria, ndërsa ka dhuruar edhe 5 euro, që bashkëmoshatarët e saj përtej detit, të hanë mëngjes.
Ajo uron që fëmijët shqiptarë të jenë përsëri të qetë dhe të lumtur me familjet e tyre.
Letra mban datën 26 nëntor dhe i është dorëzuar Mbrojtjes Civile të Bellunos.
“E dashur Mbrojtja Civile e Bellunos. Unë jam Emily e sot kur u zgjova në mëngjes dëgjova në lajme për lajmin e keq. Mami im që tani është duke pirë kafe , më shpjegoj se në Shqipëri pati një tërmet të fortë. Unë imagjinova ata fëmijë që po flinin në krevatet e tyre të ngrohta, pranë mamit apo babit ose pranë vëllezërve të tyre, e do jenë trembur shumë. Më vjen keq e uroj të mos dëgjoj më lajme të tilla në televizor. Nga frika ata fëmijë nuk do të kenë ngrënë as mëngjes. Unë nuk jam shqiptare por dua t’u them atyre fëmijëve se dëshiroj të jem mikja e tyre e zemrës. Nuk di si t’ja bëj e dua që ju të më ndihmoni t’u dërgoj fëmijëve të Shqipërisë pikturën time, që ata ta shohin se unë jam bërë merak e më vjen shumë keq për atë çfarë u ka ndodhur. Shpresoj që të jenë përsëri të qetë e të lumtur me familjet e tyre. Ju përshëndes fëmijë shqiptarë e po ju nis dhe 5 euro, që nesër të hani mëngjes”, thuhet në letrën e vogëlushes Emily.
