Pas ngjarjeve të fundit në vend me çështjet e njëpasnjëshme të “Tigrit”, burime ekskluzive për “Iconstyle” bënë me dije se Prokuroria ka lëshuar një mandat arresti për ish-ministrin Arben Ahmetaj.
Ende nuk dihet nëse mandati është lëshuar për aferat e pista me Edi Ramën, apo çështjen e parave të padeklaruara të pastrueses, që bëri bujë ditët e fundit. Tashmë, mbetet për t’u parë dhe për të shpresuar që “Tigri” të mos rregullojë pazaret edhe kësaj here, por të fillojë të denoncojë e të tërheqë pas tij edhe ‘kolegët’ e punëve të pista, nga të gjitha partitë politike.
Vlen të sjellim në vëmedje se Ahmetaj ka qenë në shënjestër të akuzave të opozitës për korrupsion. Pas shkarkimit një vit më parë nga kryeministri Edi Rama si ministër i Ekonomisë dhe Financave bashkë me 6 ministra të tjerë, tërmeti i 26 nëntorit e rikthen Ahmetajn rikthehet sërish në kabinetin qeveritar. Rama e propozon sot si ministër Shteti për Rindërtimin, ndërsa Meta nuk heziton ta dekretonte. Por, Ahmetaj ka qenë vazhdimisht i akuzuar për korrupsion dhe afera të ndryshme nga ana e opozitës si lidhur me lidhur me inceneratorët, apo me politikat e ndjekura nga institucioni që ai drejtonte.
Po kujtojmë disa nga akuzat kryesore për korrupsion në drejtim të Arben Ahmetajt.
Në vitin 2016 Patria Demokratike hodhi akuzat ndaj ministrit Arben Ahmetaj se ka udhëtuar dhjetëra herë me avionë çarter jashtë vendit, me një kosto të madhe për çdo fluturim që rëndon në xhepat e taksapaguesve shqiptarë.
