Ministri i Brendshëm Lleshaj nuk tregoi të vërtetën për çmimin e makinës BMW të blerë në Gjermani. Shteti ka paguar 99 677 01 lekë të reja për makinën luksoze të blerë në Gjermani dhe jo 50 mijë euro, sa tha Ministri Sandër Lleshaj.
Sipas dokumentit që është paraqitur në gjykatë, një letër e kompanisë BMW nëpërmjet ambasadës Shqiptare në Berlin, makina që përdor Lleshaj ka këtë vlerë totale, pra rreth 100 milionë lekë.
Dokumenti i protokolluar dhe përkthyer nga Ministria e Drejtësisë ka të gjitha të dhënat e blerjes së këtij mjeti.
Fakti që makina ka mbërritur në mars të këtij viti, tregon se Lleshaj ka thyer edhe rregullat e buxhetit, duke blerë një makinë për vete, pikërisht për në kohën e pandemisë Covid-19, sepse shpenzimet shtetërore kufizoheshin për tu drejtuar në të tjerë sektorë, e sidomos te shëndetësia.
Dokumenti del në dritë nga agjencia e lajmeve CNA, pasi ministri Lleshaj ka paditur agjencinë që ka shkruar për vlerën e makinës, një gjyq që vazhdon ende.
Çështja e makinës së Lleshajt u kthye në debat parlamentar, ministri tha se makina kushtoi 58 mijë euro, duke lënë me sa duket jashtë TVSH-në që është paguar për mjetin.
/GazetaReforma.com/
