Nga e hëna e sotme, leje shëndetësore do të jetë e detyrueshme në Francë, pavarësisht protestave të shumta që e kanë kundërshtuar. Franceyët do duhet të tregojnë lejen shëndetësore në aktivitete të zakonshme si në udhëtime ajrore apo me tren, nëse duan të shkojnë në restorante, kafene, muze etj.
Presidenti Emmanuel Macron e ka mbrojtur vazhdimisht këtë plan, me qëllim ndalimin e përhapjes së mëtejshme të koronavirusit. Por diçka e tillë ka çuar në katër fundjava protestash të zemëruara me gati një çerek milion njerëz që dolën në rrugë në të gjithë vendin të shtunën.
Leja shëndetësore gjenerohet në një kod QR ose nga një kurs i plotë i vaksinimeve, një testi i fundit negativ i virusit ose një shërim nga COVID-19.
Ajo u prezantua për herë të parë më 21 korrik për vizitat në vendet kulturore si muzetë dhe teatrot, si dhe lojërat sportive. Leja pritet të qëndrojë në fuqi të paktën deri në nëntor.
Kundërshtarët argumentojnë se rregullat e reja shkelin liritë civile në një vend ku liria individuale vlerësohet. Rreth 237,000 njerëz protestuan në të gjithë Francën të shtunën, përfshirë 17,000 në Paris, tha ministria e brendshme, duke tejkaluar 204,000 të regjistruar në fundjavën e mëparshme – numra që janë jashtëzakonisht të pazakontë për protestat në kulmin e pushimeve verore të vendit.
