Buja e madhe që SPAK dhe drejtësia po vepron dhe është e pavarur duket se ishte veç një propagandë e madhe që mashtroi qytetarët. Vendimet e fundit të GJKKO e tregojnë më së miri këtë. Lirimi i isht deputetit të PS-së, Alqi Bllako i cili u arrestua nga policia dhe u dënua për shpërdorim detyre, sot është në arrest shtëpie, me motivacionin se do kujdesej për fëmijët e tij të vegjël. Por fati nuk qe i njejtë për Lefter Kokën, i cili ndonëse motivacionin e kishte të fortë, arsye shëndetësore, nuk ia arriti dot t’i shpëtojë qelisë. Por gjithë ajo megaaferë me djegësat, ku janë shpërdoruar në mënyrë jo të drejtë dhe jo transparente paratë e shqiptarëve, ka të përfshirë shumë nga kupola drejtuese. Për gazetarin Basir Çollaku, Koka nuk i ka marrë të gjitha vendimet i vetëm, por duket se prokuroria kontrollohet nga Rama sipas tij. I ftuar në “Ora News” ai theksoi se nëse Koka do të bashkëpunonte me drejtësinë Ramën do ta shihnim pas hekurave, bashkë me Veliajn dhe Subashin.
Çollaku: Koka nuk është i vetmi në për nga përmasat. Ndërsa Bllako e gjeti justifikimin se nuk ka kush ia mban fëmijët. Ndërsa ato qindra milionë euro nuk mjaftojnë për të rritur fëmijët. Ai nuk i ka bërë të gjitha vetë, sepse 17 vendime nuk i mori vetëm Koka. Rama po e shet veten të distancuar nga një prokurori që e kontrollon totalisht. Nëse Koka do të bashkëpunonte me drejtësinë Ramën do ta shihnim para drejtësisë, bashkë me Veliajn dhe Subashin. Kjo është një telenovelë e shëmtuar, sepse kjo mungesë pavarësie institucioni drejtësie na ka sjellë këtu.
Veliaj dhe Subashi janë rikandidaur për bashkitë e tyre. Mund të rikonfirmohet edhe Elbasani e Durrësi, sepse janë hallkat e pashkëputshme të incineratorëve. Rama do të frikësohej nëse do të kishim SPAK, por në fakt rezultatet nuk e tregojnë gjë. Aty nuk ka incineratorë dhe paratë fluturojnë, çfarë kërkon më shumë SPAK për të hetuar? Janë njerëz me fakte dhe prova, por kanë avulluar. Dosjet do të gjenden dhe ata që nuk kanë vepruar do të shkojnë para drejtësisë.
