Deputeti Lefter Koka është shprehur mbrëmjen e sotme se në zgjedhjet e ardhshme të vitit 2021 do të votojë për Partinë Socialiste.
I ftuar në emisionin “Ral Story” ai tha se lidhjet e tij me këtë parti janë të hershme , lidhje familjare e miqësore.
“Unë sot nuk përfaqësoj asnjë grupim politik. Sigurisht kam një histori me PS, kam përfaqësuar atë që më 2000 në Këshillin Bashkiak. Kam qenë në disa gare qoftë si kryetar bashkie, qoftë në zgjedhje parlamentare. Lidhjet e mia familjare, shoqërore e sentimentale kanë qenë me këtë forcë politike. Nuk e kam kuptuar asnjëherë Sali Berishën që më etiketonte, vetëm të sulmonte dhe të fyente”, tha Koka.
Gjithashtu Koka tha se do jetë votues i PS, duke mos thënë se do pranonte të jetë kandidat për deputet i kësaj force.
“Është një pyetje që përgjigjen nuk mund ta jap tani. Nuk vendos unë nëse kandidoj.. Ka kohë për të diskutuar dhe unë s’jam nga ata që kam pasion dhe ambicje për tu bërë deputet. Do jem po kaq i gëzuar dhe nëse s’jam deputet”, tha deputeti Lefter Koka.
