Katër shtetas shqiptarë janë arrestuar në Greqi, të dyshuar për kultivimin e cannabis sativa në ishullin Evia. Sipas policisë greke, që nga prilli i këtij viti, Mustafa Gjolleshi, 36 vjeç nga Lazarati dhe Edvin Xhaferi, 45 vjeç nga Delvina, kishin formuar një grup kriminal për të kultivuar drogë në një zonë pyjore në Manikia të Evias. Në një operacion të zhvilluar së fundmi, policia kap në flagrancë Robert Laraj, 37 vjeç nga Libohova, duke u kujdesur për bimët. Në të njëjtën operacion u arrestua edhe Ardjan Shaipi, 51 vjeç nga Tirana, i cili punonte si shofer dhe merrej me transportin e anëtarëve të grupit dhe të furnizimeve.
Gjatë operacionit, u gjetën të kultivuara 1061 bimë narkotike dhe u sekuestruan pajisje për ujitjen e bimëve. Më pas, në një banesë në Seta të Evias, u arrestuan edhe Gjolleshi dhe Xhaferi, të cilët sipas policisë ishin liderët e grupit dhe merreshin me organizimin dhe transportin e materialeve të nevojshme për kultivimin e drogës. Gjatë kontrolleve u gjetën edhe 1500 fara cannabis, telefona celularë, karta SIM, 940 euro dhe një automjet. Policia vlerëson se fitimet e mundshme nga kjo aktivitet i paligjshëm mund të ishin rreth 1 milion euro.
