Ish-kryeministri Sali Berisha i bëri thirrje qeverisë që të largojë ambasadorin rus dhe t’i bllokohen vizat qytetarëve rusë.
Kreu i grupit parlamentar të PS-së, Taulant Balla i është përgjigjur Berishës duke thënë se këto propozime nuk kanë vlerë as nuk janë pjesë e një strategjie të koordinuar.
Ghithashtu Balla tha se agresioni i pajustifikuar rus e ka bëre botën më të bashkuar se kurrë kundër Rusisë.
“Për të gjithë ishte e qartë dhe pozicioni i Shqipërisë i shprehur. Po aq i qartë ishte dhe vlerësimi i Zelenskyt për mbështetjen e ofruar nga Shqipëria, qoftë në aspektin e prezencës së Shqipërisë në Këshillin e Sigurimit në OKB dhe për prezencën e saj si anëtare e NATO. Kashtë mbi tjegulla mund të pretendojë të vendos gjithkush, por nuk besoj se është momenti që këtu në Shqipëri, apo partnerë, që e kanë mbyllur kapitullin e tyre, të vijnë me propozime që nuk kanë vlerë as nuk janë pjesë e një strategjie të koordinuar. Agresioni i pajustifikuar rus e ka bëre botën më të bashkuar se kurrë kundër Rusisë. Agresioni rus e ka bërë botën më të bashkuar se kurrë kundër Rusisë, Ka bashkuar e Europën. Unë do kërkoja të merremi me gjëra serioze jo tullumbace populiste të ndonjë politikani që i ka mbarua koha. Unë Berishën nuk e kam dëgjuar fare dhe zoti Berisha nuk ekziston për mua. Në fjalën e kryeministrit keni përgjigjen për të gjitha hapat që do të ndërmarrë Shqipëria në mbështetje të Ukrainës. E kemi thënë dhe dua të jem i qartë, ne as komentojmë dhe as i japim vlerë tullumbaceve që lëshon Berisha që ka një agjende të ndryshme nga ajo e Shqipërisë. Sali edhe për shkak të moshës që ka mbush tullumbace edhe i lëshon”, u shpreh Balla.
