Mikpritja dhe srehimi i afganëve në Shqipëri ka përhapur mjaft polemika në vendin tonë. Por krahas kësaj ajo se çfarë përbën më shumë problem është zbrazja e godinave të konvikteve duke larguar studentët që jetonin aty për të sistemuar vendin për refugjatët afganë.
Në lidhje më këtë situatë nuk ka nguruar të reagojë dhe Unioni i Këshillave Studentorë. Me një postim në rrejtin e tij social në facebook ka reaguar duke thënë se kërkon nga Bashkia e Tiranës, Ministra e Arsimit dhe Sportit që të vendosë sa më parë studentët në dijeni në lidhje me situatën dhe kaosin e krijuar. Më tej ka shkruar se të bëjë transparent planin apo mënyrën me të cilën do të menaxhohet e gjithë kjo situatë afatgjatë në konviktet e “Qytet Studenti”.
Reagimi i plotë:
Nuk mund të tregojmë mikpritjen duke dëbuar studentët nga banesat e tyre.
UNIONI I KËSHILLAVE STUDENTORË kërkon nga Bashkia e Tiranës, Ministria e Arsimit dhe Sportit, që sa më parë, të vendosë në dijeni të gjithë studentët për situatën dhe të bëjë transparent planin apo mënyrën me të cilën do të menaxhohet situata afatgjatë në konviktet e “Qytet Studentit”. Ky terr informativ është i qëllimshëm e i papranueshëm dhe kërkojmë që zgjidhja të mundësohet sa më parë, sepse kjo shërben vetëm për agravimin e situatës dhe përkeqësimin e jetës studentore.
