Dy kushërinj akuzohen se kanë grabitur dhe plagosur një polic të Burgjeve para 9 vjetësh. Ata janë Elson Bushgjoka, 27-vjeç banues në Kamëz, Tiranë i cili është arrestuar dhe Fatjon Bushgjoka, i cili rezulton të jetë në burg aktualisht i dënuar për kryerjen e një vjedhje në Kavajë.
Gjykata e Kurbinit ka në dotë dosjen e përfunduar ku dy kushërinjtë rezultojnë të jenë autorët e grabitjes dhe të plagosjes së Arben Doçi, i cili në atë kohë punonte si efektiv i policisë së Burgjeve, por në kohën e lirë ushtronte profesionin e taksistit (pa licencë).
Doçi kishte marrë dy të rinjtë, të cilët i kanë kërkuar që t’i çonte në Mamurras dhe në një zonë të errët dhe pa lëvizje i kanë kërkuar që t’i zbresë. Pasi kanë zbritur njëri prej të rinjve, i ka thënë efektivit se i kishte rënë goma e makinës, duke bërë që Doçi të parkonte në anë të rrugës dhe të zbriste nga automjeti. Në momentin që efektivi është përkulur për të parë gomën është goditur me sende të forta nga dy të rinjtë, duke mbetur pa ndjenja.
Më pas, kushërinjtë Bushgjoka e hodhën efektivin në një kanal dhe morën makinën e sendet e tij personale dhe u larguan. Mjeti u gjet i braktisur pranë zonës së Kasharit dhe janë gjetur gjurmë gishtërinjsh të kushërinjve, prova që ka çuar në zbardhjen e ngjarjes pas 9-vitesh hetime.
/Gazetareforma.com/
