Megjithëse kompania e Veliajt dhe ortakëve të tij nuk kryen shërbimin, nuk diferencon asnjë mbetje dhe qyteti vazhdon i mbytur nga mbeturinat, “ECO-Tirana” vazhdon të paguhet nga taksat tona dy herë më tepër se kompanitë e tjera të pastrimit.
ECO-Tirana ka përfituar edhe mbështetje financiare shtesë për rimbursimin e rritjes së pagës minimale ndërsa babëzia nuk ndalet me kaq! Endrit Braimllari bën me dije se me miratimin e Lali Euros, Ndrageta do ta gllabërojë, duke e kthyer në monopol, pastrimin e Tiranës.
Lali Euro po sfidon SPAK, që duhet të ishte duke hetuar këtë abuzim, ndërkohë që vazhdon të zhytet vetë në gropën e thellë e të errët të korrupsionit, duke i dhënë pastrimin Ndragetës.
Rreth 600 mijë euro çdo muaj gllabërohen prej Ndragetës me firmën e Dorjan Shehut, Taulant Tushës dhe Erion Veliajt, ndërsa paratë ndahen mes Tushës e Ndragetës.
Sipas të dhënave nga hetimet e SPAK, Taulant Tusha, Arbër Mazniku dhe Dorjan Shehu pritet të përballen shumë shpejt me drejtësinë për miliona euro të grabitura nga taksapaguesit shqiptarë, ashtu siç do të përballet shpejt edhe Lali Euro me kolegë, për të gjitha abuzimet e shkeljet e panumërta.
