Mikropllakat tektonike të Mesdheut nuk po gjejnë qetësi dhe për pasojë vazhdimisht po gjenerohen tërmete.
Pak më parë institutet sizmiologjike të Turqisë dhe Greqisë kanë njoftuar për një tjetër lëkundje të fuqishme sizmike, pranë zonës ku një muaj më parë ra tërmeti i fuqishëm që shkaktoi pasoja për të dyja shtetet.
Bëhet e ditur se tërmeti u ndje veçanërisht në Rodos, por epiqendra e tij u raportua 51 km në jug të Alanyas në Turqinë Jugore.
Tërmeti që ra në det ishte me madhësi 5.2 ballë i shkallës Rihter dhe ka tronditur jo pak Turqinë.
Nëpër media janë shpërndarë pamjet e para të njerëzve, që kanë dalë në rrugë të frikësuar. Sakaq deri më tani ende nuk janë raportuar dëme në njerëz.
Sipas mediave të huaja, bëhet e ditur se tërmeti u ndje veçanërisht në Rodos, por ende nuk kanë ardhur të dhëna për pasoja apo dëmtime materiale ose në njerëz.
/GazetaReforma.com/
