Shqipëria ka arritur të sigurojë 50 mijë doza të vaksinës AstraZeneca. Lajmin e ka bërë të ditur kryeministri Edi Rama me anë të një postimi në Facebook. Rama shkruan se sapo janë siguruar 50 mijë doza të tjera të vaksinës jashtë marrëveshjeve të deritanishme.
Postimi i Ramës:
LAJM I MIRË
Sapo kemi siguruar 50 mijë vaksina të tjera Astrazeneca jashtë marrëveshjeve të deritanishme
https://www.facebook.com/edirama.al/posts/10158659252931523
Më herët ministrja e Shëndetësisë, Ogerta Manastirliu lajmëroi se brenda datës 20 prill do të vijnë edhe 20 mijë doza të tjera të vaksinës Pfizer, ndërsa në qershor do të vijnë edhe 23 mijë doza të tjera të po kësaj vaksine. Manastirliu njoftoi gjithashtu se pritet që të vijnë edhe doza të tjera të vaksinës kineze me anë të distributorit turk. Kujtojmë që Shqipëria ka kontraktuar 1 milionë doza të vaksinës kineze, 192 mijë prej të cilave kanë mbërritur në Shqipëri
Deri tani në Shqipëri aplikohen katër lloje vaksinash; Pfizer, AstraZeneca, Sputnik V dhe vaksina kineze Coronavac. Prej disa ditësh ka nisur edhe vaksinimi masiv, ndërsa ditën e djeshme u arrit shifra e 100 mijë vaksinimeve. Procesi i vaksinimit po vazhdon në të gjithë Shqipërinë, ndërsa të moshuarit janë duke marrë dozat e vaksinave. Po ashtu janë vaksinuar punonjësit shëndetësor dhe vazhdon ende vaksinimi i mësuesve.
