Emigrantët shqiptarë në Gjermani kanë kohë që presin njohjen e lejes së drejtimit të automjeteve dhe tashmë ëndrra e tyre është realizuar.
Sipas një postimi të kryeministrit Edi Rama, dëshira e emigrantëve ka marrë dritë jeshile dhe tashmë çdo shqiptarë në shtetin gjerman do të mund të lëvizë me lejen e drejtimit që ka në Shqipëri. Në një postim në rrjetet sociale, Rama bën të ditur se Bundesrati gjerman votoi njohjen e lejeve shqiptare të drejtimit.
Kishte kohë që Drejtoria e Përgjithshme e Shërbimeve të Transportit Rrugor kishte nisur negocimin e marrëveshjeve me Spanjën dhe Gjermaninë për njohjen e patentave shqiptare. Njohja e lejeve të drejtimit, kryesisht në vendet e Bashkimit Evropian, është një kërkesë e vazhdueshme e qytetarëve shqiptarë, të cilët tashmë në Gjermani u është realizuar dëshira.
Postimi i Ramës:
🔴 LAJM I MIRË Më në fund, pas ratifikimit në parlamentet e landeve, Bundesrati gjerman votoi para pak minutash njohjen e lejeve shqiptare të drejtimit🇦🇱👏🇩🇪 Kjo njohje, e cila deri para disa vitesh as që mund të mendohej, çertifikon de facto transformimin rrënjësor të autoritetit shqiptar të transportit rrugor, nga një rrumpallë totale në një sistem standartesh europiane me teknologji të lartë, të konfirmuara prej misioneve të rrepta të inspektimit të qeverisë gjermane🇦🇱🚘🇩🇪🚙🇦🇱🚍🇩🇪 Kjo është një përgjigje edhe për disa që kur komentojnë postimet mbi transformimet e godinave të DPSHTRR nëpër Shqipëri, shkruajnë se ne merremi vetëm me fasada😊
