Kuzhinë dhe libra! Si bëjnë fushatë opozitarët (video)

Partitë politike kanë ndezur prej kohësh motorët e fushatës për zgjedhjet e 25 prillit, por sot ata do të çelin zyrtarisht fushatën.
Ndërsa mazhoranca propagandon me figura të njohura publike, si Najada Çomo, Luljeta Bozo e Robert Ndrenika, një mënyrë e veçantë fushate po zhvillohet nga opozita.
E nisur nga kreu demokrat Lulzim Basha, kësaj radhe është vazhduar nga kryetarja e LSI Monika Kryemadhi.
Duke u përpjekur për një qasje të re dhe një target-grupi të ri, në një postim në Instastory, Kryemadhi shfaqet me ish-deputeten Kejdi Mehmetaj duke kënduar së bashku këngën e grupit fierak Free Mc, “Vish Fustanin me toka”.
Kryemadhi ka gjetur një këngë fierake, duke qenë se është dhe kandidate në listat e deputetëve të LSI në këtë qytet.
Nga ana tjetër, në një kohë që çdo minutë kohë mediatike duhet të shfrytëzohet maksimalisht për të përcjell te qytetarët programin politik, kreu i PD gjeti momentin të publikonte librin “Misoni im”.
Me gatimin “spontan” në shtëpi me xhinse e këpucë, edhe lideri opozitar po mundohet të vijë ndryshe në këto zgjedhje. Por pavarësisht “gjetjeve” të reja, si Kryemadhi dhe Basha po lënë në hije prezantimin e programit politik, për të cilën pritet dhe të votohen ose jo në zgjedhje, pas dy vitesh mungesë në parlament.