Kuvendi i Shqipërisë është mbledhur sërish në orën 17:00 të pasdites së sotme. Në seancën e sotme plenare do të shqyrtohen disa ndryshime për buxhetin e vitit 2021, ndërkohë që është vendosur shtyrja e diskutimeve për projektvendimin e Reformës Zgjedhore.
Rendi i ditës
Në mbështetje të Urdhrit nr. 22, datë 4.11.2021 të Kryetares së Kuvendit, znj. Lindita Nikolla, rendi i ditës është si më poshtë vijon:
1. Miratimi i procesverbalit të seancës plenare datë 4.11.2021 (Neni 44, pika 2 e Rregullores
2. Njoftime (Neni 44, pika 3 e Rregullores)
3. Akt Normativ nr. 31, datë 27.10.2021 “Për disa ndryshime në ligjin nr. 137/2020 “Për buxhetin e vitit 2021” të ndryshuar””. (Neni 78 dhe 101 i Kushtetutës dhe nenet 55 dhe 73-77 të Rregullores, shumicë e thjeshtë votash për miratim) Pyetje Shprehet nismëtari Shprehet komisioni përgjegjës për Ekonominë dhe Financat Diskutime (Shprehen grupet parlamentare) Koha e votimit
4. Projektvendim “Për ngritjen e komisionit të posaçëm parlamentar “Për realizimin e reformës zgjedhore”. (Nenet 77, pika 1 dhe 78 të Kushtetutës si dhe nenet 24 dhe 55 të Rregullores, shumicë e thjeshtë votash për miratim) Pyetje Shprehet nismëtari Diskutime (Shprehen grupet parlamentare) Koha e votimit
5. Diskutime për çështje jashtë rendit të ditës (60’).
Që në nisje të seancës plenare, kreu i grupit paramentar të Partisë Demokratike, Alfred Rushaj, propozoi që kjo gjë që hiqej nga rendi i ditës dhe që fillimisht të zhvilloheshin diskutimet me Partinë Socialiste për subjektin e këtij komisioni.
“Propozoj ta heqim nga rendi i ditës ngritjen e komisionit të posaçëm parlamentar për Reformën Zgjedhore, dhe ta kalojmë në seancën tjetër. Diskutojmë me PS për subjektin e Komisionit,”- tha Rushaj.
