Kuvendi i drejtuar nga Lindita Nikolla ende nuk është mbledhur për të shqyrtuar mandatin e deputetes Olta Xhaçka edhe pse ka pasur një kërkesë nga Gjykata Kushtetuese.
Kjo zvarritje është prej 10 muajsh, teksa theksojmë se Gjykata Kushtetuese vendosi në janar të këtij viti, se Kuvendi i Shqipërisë duhet të shqyrtojë këtë çështje.
Edhe pse diskutimi për çështjen ka përfunduar dhe madje janë hartuar dy raporte për seancën plenare, Kryetarja e Kuvendit, Lindita Nikolla nuk ka kërkuar ende mbledhjen e Këshillit për Rregulloren, Mandatet dhe Imunitetin.
Në programin e punës së Kuvendit të Shqipërisë deri në fund të muajit nëntor 2023, Kuvendi nuk ka vendosur ende se kur do e mbledhë Këshillin e Mandateve. Vlen të theksojmë se rasti i papajtueshmërisë së mandatit të deputetes Olta Xhaçka po thyhen një rekord procedurash pasi prej mëse 1 viti e gjysëm, Kuvendi nuk shprehet në seancë plenare, ndonëse e kërkoi edhe Gjykata Kushtetuese.
Nga ana tjetër, opozita është shprehur se maxhoranca synon zvarritjen e kësaj çështje në mënyrë që vendimi në themel në Gjykatën Kushtetuese të tejkalojë vitin 2025, kur vendimi nuk do të kishte asnjë efekt.
Sjellim në vëmendje se Olta Xhaçka akuzohet se në kundërshtim me Kushtetutën ka përfituar pasuri publike, madje duke përdorur me mashtrim bashkëshorin dhe kunatën e saj. Deputetët e opozitës kanë publikuar dokumente ku faktohet se familjarët e ministres, bashkëshorti i saj, Artan Gaçi dhe kunata e saj janë shpallur investitorë strategjikë për ndërtimin e një hoteli lukzoz në Dhërmi.
Në vendimin e qeverisë, kompania ‘AGTTC Hotel Management’ sh.p.k,, përfitoi edhe një VKM për faljen e tokës si dhe të gjitha lehtësirat që ofron statusi i investitorit strategjik, në pronësi të bashkëshortit dhe kunatës së ministres. Më pas, bashkëshorti i Xhaçkës bashkëngjiti edhe një kompani me të njëjtin emër të drejtuar nga motra e vëllait të Xhaçkës, amerikania, Taëni Lin Grzych-Sutton, e cila nuk ka asnjë kapital financiar.
Në planin e biznesit, Gaçi pretendon një investim të kushtueshëm dhe pa zbuluar mënyrën e financimit ç’ka do të kërkonte një tjetër hetim për familjarët e ministres së Jashtme.
Çështja ka shkuar tashmë edhe në SPAK. Sipas padisë nga Fredi Beleri, trashëgimtarët e shtetasit Foto Mëhilli kishin trashëgimi 1000 metër tokë, por duke tjetërsuar një pasuri që rrjedh nga një vepër penale si ajo e falsifikimit, e kanë shtuar tokën e tyre edhe me 4500 metra të tjerë në Gjilekë dhe ia kanë shitur Artan Gaçit, shkruan Ditari.al.
