Ankimimi i shtatë partive dhe deputetit Lulzim Basha, së bashku me tre individë të tjerë, ka kërkuar shfuqizimin e ndryshimeve të miratuara në Kodin Zgjedhor në fund të korrikut nga Partia Socialiste dhe Partia Demokratike. Kërkesa për të shfuqizuar këto ndryshime, që lidhen me mbylljen e listës së kandidatëve për deputetë, do të shqyrtohet këtë të mërkurë në Gjykatën Kushtetuese.
Në ankimimin e paraqitur, ata kërkojnë që Gjykata Kushtetuese të shpallë si të papajtueshme me Kushtetutën e Shqipërisë, ndryshimet e bëra me ligjin nr. 81/2024 në nenet 5 dhe 9 të Kodit Zgjedhor, veçanërisht ato që lidhen me nenet 67 dhe 163, pikat 2 dhe 3 të ligjit nr. 10019, datë 29.12.2008, i ndryshuar.
Në kërkesën e tyre, përveç shfuqizimit të këtyre neneve, kërkohet edhe pezullimi i zbatimit të tyre. Pjesë e këtij ankimimi janë edhe kërkesa për interpretimin e nenit 64 të Kushtetutës, ose për shfuqizimin e tij.
Partitë dhe individët që janë pjesë e këtij ankimi përfshijnë: Partinë “Lëvizja për Zhvillim Kombëtar”, organizatën “Shqipëria Bëhet”, Partinë “Nisma Thurje”, Lulzim Bashën, Orjola Pampurin, Merita Bakiun, Gëzim Ademaj, Partinë “Aleanca Demokracia e Re”, Partinë “Lëvizja Demokratike për Ndryshim” dhe Partinë “Kombëtare Konservat”.
