Ditën e sotme kryeministri Edi Rama prezantoi planin kundër prokurorëve dhe gjykatësve të korruptuar, të cilët i ka pagëzuar KÇK, (Kap ça të kapësh)
Ai u bëri thirrje socialistëve ta mbështesin dhe paralajmëroi se ai ose ajo që nuk do të votojë platformën, do të përjashtohet nga PS.
Gjatë kohës që mbante fjalimin, është vënë re se një karrige ishte bosh, shkruan “Dosja.al”.
Vendi i përkiste deputetes socialiste Mimi Kodheli, e cila nuk ishte e pranishme në prezantimin e “Anti KÇK”.
Arsyet e mungesës së saj nuk dihen ende.
Gjatë fjalimit të sotëm, Rama tha se gjyqtarëve dhe prokurëve, do t’u kërkohet që të bëjnë publike burimin e pasurisë së tyre.
Kreu i qeverisë bëri me dije, se do të ngrihet edhe një forcë operacionale, (OPL), që do të sekuestrojë pasuritë.
