Pas shtyrjes së seancës së sotme nga Gjykata e Krimeve të Rënda për vrasjen e Admir Murataj ka reaguar edhe vajza e tij. Ditën e sotme në Prokurorinë e Krimeve të Rënda vajza e Admir Murataj, Irini Murataj me anë të avoktati Arbër Hoxhaj ka paditur Forcat e Ndërhyrjes së Shpejt pasi i kanë vrarë babain.
Në padi kërkohej hetim për vrasjen e Muratajt dhe ndërkohë avokati ka thënë se policët kanë qëlluar në drejtim të tij me qëllim për ta vrarë.
“Ai person është qëlluar për t’u vrarë. Gjykata e Shkallës të parë të nisë seancat për punonjësit e policisë. Duam hetim të punonjësve të FNSH-së. Mund të ishte arrestuar. Do të mbahet përgjegjësi për vjedhjen e bërër por edhe kush e bëri vrasjen duhet të marrë përgjegjësi. Ka 6 të arrestuar për grabitjen por asnjë të arrestuar dhe ndaluar për vrasjen e Admirit”, është shprehur avokati.
Gjithashtu është kërkuar që të hetohet dhe t’i jepet përgjigje disa pyetjeve që ata kanë shtruar.
“Gjithashtu në cilësinë e trashëgimtarit të viktimës së veprës penale kërkojmë të hidhet dritë mbi këto pyetje : Cilët kanë qenë punonjësit e policisë me gjeneralitetet përkatëse anëtarë të grupit të FNSH që kanë marrë pjesë në shkëmbimin e zjarrit të pretenduar në vjedhjen me arme të ndodhur në Rinas në datë 9 Prill 2019 ? A janë respektuar dispozitat përkatëse të ligjit nr 72/2014 « për përdorimin e armeve të zjarrit » dhe akteve të tjera nënligjore nga antarët e grupit të FNSH të policisë së shtetit?”.
