Prokuroria e Specializuar e Kosovës ka reaguar pas raportimeve se kryeministri Albin Kurti nuk u paraqit përsëri në orarin e caktuar.
Sipas njoftimit të Prokurorisë, Kurti nuk u paraqit për të dhënë dëshminë e tij, pavarësisht se kishte një Urdhër nga Gjykata Themelore në Prishtinë që e detyronte të paraqitej si dëshmitar. Prokuroria thekson se do të veprojë në përputhje me legjislacionin në fuqi, ashtu siç vepron në të gjitha rastet e tjera penale.
Njoftim për media nga Prokuroria Speciale e Republikës së Kosovës
Prishtinë, 4 mars 2025 – Prokuroria Speciale e Republikës së Kosovës, pas interesimit të shumë gazetarëve, informon se dëshmitari A.K. nuk është paraqitur në Prokurorinë Speciale për të dhënë dëshminë e tij edhe përkundër faktit se i njëjti ka qenë i obliguar me Urdhër të Gjykatës Themelore në Prishtinë që të paraqitet në cilësi të dëshmitarit, për të dhënë dëshminë e tij me datë 04.03.2025 në ora 10:00, në Prokurorinë Speciale të Republikës së Kosovës.
Prokuroria Speciale e Republikës së Kosovës edhe në këtë rast penal, sikurse në të gjitha rastet tjera do të veproj duke respektuar legjislacionin në fuqi.
