Virologu i njohur, Arban Domi, tha se Tirana shumë shpejt mund të arrijë imunitetin e tufës nëpërmjet infeksionit natyral. Një lidhje scype për ‘Wak Up”, Domi tha me hapat që po ecën vaksinimi, kryeqyteti mund të arrijë imunizim tufe duke nisur nga muaji prill e në vazhdim.
Kujtojmë se prej ditës së djeshme ka nisur vaksinii masiv. Së fundmi në vendin tonë kanë ardhur tashmë dhe vaksinat ruse dhe kineze, veç atyre që janë të certifikuara nga OBSH dhe EMA.
Vetëm dje u vaksinuan mbi 15 mijë qytetarë mbi 70 vjeç. Një detaj i ri që vjen nga vaksinimi masiv është dhe aplikimi online përmes “e-Albania” për të siguruar dozat e nevojshme të vaksinave.
Pjesë nga reagimi:
“Problemi në Shqipëri është pak kontradiktorë ndërmjet Tiranës dhe rretheve, siç e shoh unë. Tirana ka arritur një ekuilibër relativisht të qëndrueshëm dhe me shumë gjasa ka që në muajt e ardhshëm të arrijë imunitetin e tufës thjesht nëpërmjet infeksionit natyral të individëve.
Në qoftë se vazhdon me këto ritme, besoj nga muaji qershor të paktën do ta arrijë 60-70 për qind.
Është totalisht ndryshe situata në rrethe, si nga informacionet zyrtare dhe ato informale që kam nga kolegë të njohur nëpër rrethe, ku numrat janë në rritje eksponenciale dhe ku duhet të përqendrohet kujdesi më i madh i rasteve që për fat të keq në Shqipëri mungon këputja e zinxhirit.
Mbyllja nuk ndihmon, vetëm shtyn pikun e çdo vale, Mbyllja është e nevojshme kur sistemi spitalor nuk e përballon. Sa më shumë të mbyllësh ndikon në krijimin e mutacioneve të reja”, deklaroi Domi.
