Ish-kryeministri, Sali Berisha në një konferencë për shtyp u shpreh se opozita nuk do të bëjë pas për aksionin opozitar në Paralament. Ai tha se opozita nuk dekurajohet nga paralajmërimet e ministrit të Brendshëm, Taulant Balla i cili paralajmëroi zbatimin e kodit penal që parashikon dënim deri në 5 vjet burg për aktet e ndodhura në Parlament.
Sa i përket mosbinjdes civile Berisha tha se ende nuk ka një datë kur do të nisë, por shtoi se strukturat janë të mobilizuara.
“Eshtë një bindje universale që në Shqipëri është instaluar diktatura dhe jemi në një grusht shteti brenda shtetit. Ka një revoltë të madhe dhe strukturat janë të gatshme. Nuk mund ta them para apo pas festive”, tha Berisha.
