Ditën e sotme kryeministri Edi Rama ka prezantuar kryenegociatorin e Shqipërisë në Bashkimin Europian, Zef Mazi dhe grupin e punës që do të merret me integrimin e vendit.
Gjatë fjalës së tij, Rama foli dhe për opozitën dhe dëshirën që ka për të bashkëpunuar për integrimin e vendit.
Kryeministri Rama është pyetur nga gazetari i “Report Tv” se kur do të arrestohen zyrtarët e lartë të shtetit që janë të korruptuar.
Rama është shprehur se nuk e ka ai në dorë këtë çështje, pasi ai nuk është prokuror dhe gjyqtar për të arrestuar zyrtarë.
Lufta ndaj korrupsionit ka qenë pika e rëndësishme për integrimit, ku do i shohim rezultatet e para të arrestimit të zyrtarëve të lartë?
“Lufta ndaj zyrtarëve të lartë s’ka qenë prioritet, lufta ndaj korrupsionit të zyrtarëve të lartë është prioritet.
Nga ana tjetër nuk jam as prokuror as gjykatës dhe nuk kam asnjë mandat as për të hetuar e arrestuar njerëz.
Është një përgjigje që fatkeqësisht në 2020 duhet të vazhdojmë ta japim për shumë njerëz që ngatërrojnë sistemin që kemi zgjedhur dhe ku jetojmë me vitin 1945, s’jemi në 1945-ën, një parti politike nuk arreston njerëz, një qeveri demorkatike nuk arreston njerëz, dhe lavdi Zotit që nuk e kam në dorë fare këtë punë sepse për më tepër një sistem ku arrestimi i politikanëve bëhet nga politikanët nuk ka lidhje me demokracinë.
Elita e korruptuar e gjyqësorit të drejetësisë është ajo që ka bërë pazar 30 vjet me të drejtat e dynjasë që i ka dhënë licensë të veçantë krimit për të bërë çfarë të dojë etj etj.
Goditja e kësaj kaste po ndodh dhe po ndodh përditë, falë vettingut.
Unë i pari do doja të ndodhte shumë më shpejt të ishte si një sprint por e tha amabsadori Zefi: Anëtarësimi është një maratonë.
S’kemi pas ne gjykata dhe prokurori në këtë shtet që të kenë pasur lidhje me pavarësinë dhe profesionlizmin qysh kur ka lind shteti shqiptar”, u shpreh Rama në praninë e Zef Mazit.
