Mbretëri e Bashkuar– Dy shqiptarë janë arrestuar, pasi janë kapur duke kultivuar lëndë narkotike në një banesë.
Mediat britanike bëjnë me dije se policia ka sekuestuar 200 bimë narkotike të llojit kanabis sativa.
Lëndët narkotike gjendeshin kudo nëpër dhoma në një shtëpi në Derbyshire.
Banorët përreth, pasi e kanë vënë re këtë gjë, kanë njoftuar policinë.
Sukses Cenaj dhe Armando Iberhasaj, 23 vjeç, janë emrat e shqiptarëve të arrestuar.
Ata kishin emigruar në mënyrë të paligjshme në Mbretërinë e Bashkuar në fillim të këtij viti.
Emigrantët kanë thënë para gjykatës se kishin vetëm disa ditë në atë banesë dhe ishin paguar për rritjen e lëndëve narkotike.
Po ashtu, së bashku me bimët është gjetur edhe një qese e mbushur me canabis.
Gjykata ka vendosur që dy të rinjtë shqiptarë të qëndrojnë për katër muaj në burg.
