Autoritetet e Policisë së Memaliajt vijiojnë pounën e tyre për kapjen dhe procedimin e personave që kryejnë vepra të ndryshme penale. Falë kontrolleve të kryera kanë bërë të mundur arrestimin e dy personave të cilët janë arrestuar në flagrancë duke kultivuar bimë narkotike në bahçen e tyre.
Në pranga ranë 62-vjecari me iniciale P.Sh, si dhe 54-vjeçari F.Sh. Këtij të fundit iu gjet gjatë kontrollit të kryer iu gjet drogë edhe në banesë.
NJOFTIMI NGA POLICIA
Memaliaj.
Goditen dy raste të tentativës për kultivim të bimëve narkotike, arrestohen në flagrancë dy shtetas.
Shërbimet e Stacionit të Policisë Memaliaj, në bazë të informacioneve të siguruara, në vijim të kontrollit në territorit me qëllim parandalimin, evidentimin dhe goditjen e rasteve të tentativës për kultivim të bimëve narkotike, kanë evidentuar dhe goditur dy raste të kësaj veprimtarie kriminale.
Në përfundim të veprimeve hetimore, u arrestuan në flagrancë shtetasit F. Sh., 54 vjeç dhe P. Sh., 62 vjeç, banues në fshatin Toç, Memaliaj, pasi këta shtetas në bahçet e banesave të tyre kanë tentuar të kultivojë bimë narkotike, si dhe nga kontrolli i ushtruar në banesën e shtetasit F. Sh. u gjetë një sasi lënde narkotike.
Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.
