Deputeti Kujtim Gjuzi ka qenë I ftuar mbrëmjen e djeshme në emisionin “Të paekspozuarit”, ku ka komentuar edhe situatën politike në të cilën ndodhet Shqipëria vetëm 2 ditë larg datës 30 qershor, ku Rama insiston se do të ketë zgjedhje.
Gjuzi deklaroi se i vetmi njeri që e zgjidh krizën në të cilën ndodhet Shqipëria, është ish-kryeministri Sali Berisha.
Sipas Gjuzit, kryeministri Edi Rama ka frikë vetëm nga Sali Berisha.
“I vetmi njeri që e zgjidh krizën në Shqipëri është Sali Berisha. Edi Rama ka frikë vetëm një njeri në Shqipëri dhe ai është Baca. Zjarrin e ndalon vetëm një njeri dhe ai është Sali Berisha”,-tha Gjuzi.
Kujtojmë këtu se ish-kryeministri Berisha u largua dy ditë më parë nga Shqipëria për të marrë pjesë në Forumin të Krans Montana në Zvicër.
Sipas deputetit të opozitës së re Kujtim Gjuzi, ish kryeministri është larguar sepse është sëmurë.
“Është pa qejf, po të duash të them dhe klinikën. I uroj shërim të shpejtë dhe të vi të vendoset këtu. Ai është i vetmi njeri që mund ta kthej vendin në normalitet. Po Baca është pa qejf, se kam qejf ti them Baca, dhe i urojmë shërim të shpejtë’, tha Kujtim Gjuzi.
