E ndërkohë që jemi në mes të sezonit turistik, shumë prej nesh mund t’i “vështirësohet jeta” nëse ka vendosur t’i bëjë pushimet në Turqi.
Kjo pasi në këtë shtet është ndërmarrë një nismë për vendosjen e gjobave të rrepta për këdo që do të kapet pa maskën mbrojtëse.
Shtetasit turq si dhe turistët do të përballen me një gjobë prej 900 lira (104£ ) nëse nuk mbajnë maskë fytyre në publik.
Kjo përfshin si hapësirat në natyrë, ashtu dhe dyqanet dhe restorantet.
Rregullat aktuale ekzistojnë në 81 provinca në Turqi, përfshirë Stambollin, Ankaranë dhe Mula, ku ndodhen Bodrum, Dalaman dhe Marmaris.
Ndërsa shkalla e parë do të jetë një paralajmërim, një shkallë e dytë do të rezultojë me gjobë.
E gjitha kjo do të bëhet në kuadër të nismës për mospërhapjen e Covid-19, pasi bota ka pësuar humbje të mëdha në njerëz, për të mos përmendur humbjet ekonomike ku shumë shtete po përjetojnë krizë të thellë.
Rregullat e rrepta të maskave janë futur pas një rritjeje shqetësuese të rasteve të reja Covid-19 në të gjithë Turqinë, me 187.685 raste dhe 4,950 vdekje në total.
